قصتي وفرنسا وشنطة صاحبي....هههههههههههه

بسم الله الرحمن الرحيم

السلام عليكم ورحمة الله وبركاته ........................



اول شي بقولكم عني ... انا كسير طالب في مدينه قرونوبل منطقه جبال الالب .....<<اخلص بس

ببدا القصه عن سالفه البعثه ووشلون جت ....

كنت بعطلة الصيف العطله الطويله ..... وقلت لامي الله يحفظها ويخليها باخذ ترم صيفي ...

قالت ولا تاخذ مهوب لازم .........قلت خلاص مانيب ماخذ ........ وبعدها باسبوع جاني اتصال من واحد من العيال يقول تخاويني للجامعه انه طالع اسمي بالبعثه <<اسم صديقي

قلت معك وش وراي ...... يوم رحت للجامعه استفسرت عن الاوراق المطلوبه .... قالوا موافقه ولي امرك وصورة جوازك .....

قلت سهله .... وانادي طير شلوا برعي وننقز للجوازات وطلعت الجواز والموافقه بعد محاولات اقناع امي ....

المهم بدت الدراسه وهم كل يوم يقولون الرحله الاسبوع الجاي لعبو بنفسياتنا وبس


المهم جا يوم الرحله ورحت للمطار ............. واقلعت الطياااارة .... وبدت المواقف ..........




اول موققف.....

طبعا وصلنا المطاااار وكان الجو مطر وبرد ............. مطار باااريس ...... نمشي ورا ذا العالم ماندري وش السالفه ............ طبعا من الخوف ضيعنا ابو اللغه المهم وقعدنا ثلاث ساعات ندور الجمرك والشنط .....المهم لقينا الشنط ولقينا الجمرك والجوازات وكل ابو ذا السالفه .......

طبعا جامعتنا الحبيبه مالين عقولنا بالتفكير الخطء ومفهمينا ان فرنسا لو ترمش عينك تنسرق ..

وسوء تنسيق بين الجامعه والملحقيه .... الجامعه قايله لنا بيستقبلكم في المطار موظفين من الملحقيه وبيوصلونكم لمقر اقامتكم .....

المهم وصلنا للي يختم الجوازات يوم درا ان انحن سعوديين استقعد وانواع السين والجيم .....

خلصنا منه .......... وندور اللي بيستقبلنا .......... المهم لقينا صعيدي ماسك لوحه مكتوب عليها الملك سعود .......<<لقيناه بعد 3 ساعات ندور خروج وندوره هو وراسه اللي تقول حبة منقا ...

المهم ما كلمنا ولا فهمنا على اي شي عطانا اوراق وقال روحو للقار <<القار محطة القطارات السريعه ........

المهم توهقنا ومن الخوف نسلي بعضنا بالصور كاننا هنود بيسافرون ويصورون في دوار الشميسي خخخخخخخخخخخخ

عاد ما ابي اقول لكم الصور كيف جااايه خخخخخخخخخخخخخخخخخ

كل واحد مصور وهو حاضن شنطته يخاف تسرق <<مهوب منا من اللي لاعب علينا يقول انتبهو ترمشون خخخخخخخخخخخخخ

وصلنا القار ولقينا القطار اللي بناخذه لقرونوبل بعد 4 ساعات

طبعا كل الاربع ساعات واقفين متحظنين الشناط الكل يناظرنا ويحمد ربه على اشكالنا الشهب اللهب من البر والقاع لباريس <<< طبعا معنا واحد ماعمره شاف ديرة من عند الذود لباريس

طبعا اخونا في الله معه شنطه متوسطة الحجم ما ندري وش فيها المهم مر عسكري مع كلب وانتم بكرامه الكلب شم ذا الشنطه وقااام ينابح تجمعو العسكريين انا اول من تبرا منه <<خاااين هو وجهه ههههههههههههه

المهم وقفونا وقااامو يفتشون وحالت امنا حاله <<<كلنا خفنا نرجع السعوديه بس ماخفنا ننسجن هههههههههههههههههههههههههههه

المهم كلنا ما ندري وش ذا الشنطه واخونا فالله ما معه لغه تساعد المهم هو بكل بساااطه قااام يمثل ويوصف اللي بالشنطه طبعا عرفنا وش اللي بالشنطه بس المشكله العسكر وش بيفهمهم


المهم ولان معنا واحد دارس بكندا 6 سنوات على قوله ..... من غير شعور او من الخوف قال لهم انقلش انقلش <<<بدون اي جمله طبعا خخخخخخخخخخخخخخخخ

المهم تكلمت وحده من العسكر قالت وي جو باغل انقلي <<بالفرنسي يعني اتكلم انقلش

المهم فهمهم وش اللي بالشنطه

ركبت القطار بعد عناء يوم كامل موااااصل بدون نوم

وصلنا قرونوبل <<<<<بالاستقبال حرمه تنادي تقول بدر بدر بدر بدر

طبعا ما احد يعرف اسم الثاني لان كل الطلاب جديدين على بعض

جا واحد قال لها انا بدر ........

سحبته وركبته السيارة وركبت اغراضه انحن اناظره وما ندري وش السالفه

شوي جا واحد وقال حسين ........... يوم ماجاه احد قال عبدول انا فهمت انه يبي يسحب واحد من العيال <<<ذا التنكه تراه ما حسب نفسه انه بنسحب

المهم جاء يطل في خششنا وشافني وقال حسين <<قلت لا عمه <<من الخوف والتعب استخفيت دمي

وسحبني حتى ما خلاني اخذ شي اكله


طبعا من ركبت السيارة يارس 2002 بوقس وعيوني طايره اناظر البشريه والبيوت كاني بحلم
وصلنا البيت وكان باستقبالي العائله الكريمه انا من اللخمه قلت السلام عليكم <<بالعربي

اول ما كلمتني امهم قلت لها لو سمحتي وين الغرفه

وصلت الغرفه واحط الشنطه اللي متحظنها من وصلت من السعوديه
قالوا عندنا فلبينيه <<طالبه وانا حسبتها شغاله
دخلت الفلبينيه وخليتها ترتب اغراضي وتشبك النت وانا في 7 حلم

يوم صحيت من بكرا فهموني انها طالبه وانا كرفتها بترتيب الغرفه والاغراض

طبعا تعرفون اختلاف الثقافه بين الفرنسيين والسعووديين

لاااااااااااااااااااااااااااااااااااااااااااااااا الغداء وش صااار من فضاااايح <<<الشوكه والسكين

يبيلها موضوع بلحالها

ومشت الايام بكل مواقفها
بس دريت ان الفكرة اللي خذناه عن الفرنسيين تختلف 180 درجه عن الواقع
وان التعليم في السعوديه من ناحيه اللغه زفت
وان التنظيم او الترتيب من قبل سفارتنا العزيزة للطلاب المبتعثين ازفت شي
وهذي مقتطفات سطحيه من المواقف لان ما ابي افضح بنا <<<كل ذا الهذر وسطحيه

نسيت اعلمكم وش في الشنطه <<والا تدرون خمنو وتوقعو واللي يجيبها له هديه من بااااريس
تاصله لبيته على رسم الخدمه